Міндетті әлеуметтік медициналық сақтандыруды (МӘМС) көпшілік жеке шот сияқты қабылдайды: адам тұрақты түрде жарна төлейді де, кейін сол төлеген сомасына сәйкес медициналық көмек алады деп ойлайды.
Алайда МӘМС жүйесі басқа қағидаға — ынтымақтастыққа негізделген.
Қазіргі медицина қомақты шығынды талап етеді. Күрделі операциялар, онкологиялық ауруларды емдеу, ағза трансплантациясы, кардиохирургия, нейрохирургия, сондай-ақ шала туған нәрестелерді күту ондаған миллион теңгеге дейін шығынды қажет етуі мүмкін.
Орташа көрсеткіштерді қарастыратын болсақ:
* Жұмыс істейтін адам жылына шамамен 276 780 теңге жарна төлейді.
* Дербес төлеуші жылына шамамен 51 000 теңге төлейді.
Кенеттен қымбат ем немесе күрделі операция қажет болған жағдайда бұл қаражаттың жеткіліксіз екені түсінікті.
Сондықтан Қазақстандағы МӘМС жүйесі ынтымақтастық қағидасы бойынша жұмыс істейді:
* Барлық жарналар ортақ жүйеге жинақталады.
* Медициналық көмектің көлемі адамның қанша жарна төлегеніне емес, медициналық көрсетілімдерге байланысты анықталады.
* Қымбат емге байланысты қаржылық тәуекел миллиондаған жүйе қатысушылары арасында бөлінеді.
* Бұл адамды және оның отбасын үлкен медициналық шығындардан қорғауға мүмкіндік береді.
АЛ ҚАРАЖАТТАРДЫҢ ЖҰМСАЛУЫН ҚАЛАЙ БАҚЫЛАУҒА БОЛАДЫ?
Жүйенің ашықтығын қамтамасыз ету үшін пациент көрсетілген медициналық қызметтер туралы ақпаратты, олардың құнын цифрлық сервистер арқылы бақылай алады. Сондай-ақ медициналық көмекті алғанын растауға және медициналық ұйымдардың қызмет сапасын бағалауға мүмкіндік бар.
МӘМС — жеке жинақ шоты емес.
Бұл — өзара қолдау жүйесі. Қатысушылардың жарналары дәл қазір медициналық көмекке мұқтаж адамдарға қажетті ем алуға мүмкіндік береді.
«Тоқтамыс» оңалту орталығы
Семей қаласы, Гоголь көшесі, 95
Жазылу үшін:
+7 (771) 929-12-75
+7 (777) 783-54-38 (WhatsApp)
Қоңыраулар 08:00-ден 17:30-ға дейін қабылданады.
