Біздің орталықтың психологтары өз ұжымына «Танысу және қайта жүктелу» атты қысқа, бірақ өте пайдалы тренинг өткізді.
Тренингтің мақсаты — эмоционалдық жеңілдік қалыптастыру, сенімді арттыру және ұжым ішіндегі бірлікті нығайту болды. 20 минутқа созылған бұл шағын іс-шара жылы, жеңіл атмосферада өтті.
Тренинг амандасу мен көңіл күй орнатудан басталды. Қатысушылар күнделікті қарбаластан аз уақытқа алыстап, өздеріне қамқорлық жасауға мүмкіндік алды. Психологтар әріптестерді еркін, жайлы сезінуге шақырып, жағымды эмоция қалыптастырды.
Іс-шараның негізгі бөлігі — топтық жұмыс. Әр команда біздің орталықтың 5 жылдан кейінгі болашағын сипаттап, ортақ идеялармен бөлісті.
Қатысушылар мына бағыттар бойынша ой қозғады:
• орталықтың негізгі мақсаты қандай болады;
• қызмет көрсету форматы қалай өзгереді;
• қызметкерлер мен клиенттердің бейнесі қандай болуы мүмкін;
• қандай жаңа жобалар мен технологиялар қолданылады;
• корпоративтік мәдениет пен құндылықтар қалай дамиды.
Талқылау барысында әріптестер жаңа идеялар ұсынып, болашаққа қатысты ортақ көзқарас қалыптастырды.
Бұл тренинг ұжымдық рухты күшейтіп, қызметкерлер арасында сенім мен қолдау атмосферасын нығайтты.
