28–29 тамыз күндері «Семей медицина университеті» КЕАҚ базасында Ачбаров Б.А. атындағы «Экология. Радиация. Денсаулық» атты XVII Халықаралық ғылыми-тәжірибелік конференция өтті. Шараға Қазақстан мен шет елдерден жетекші ғалымдар, клиницист-дәрігерлер мен денсаулық сақтау саласының мамандары қатысты.
Конференция жұмысына біздің орталықтың мамандары да белсене қатысты. Бұл орталық қызметкерлері үшін тәжірибе алмасу, жаңа білім алу, сондай-ақ радиациялық экология, халық денсаулығын сақтау және экологиялық қолайсыз жағдайларда медициналық көмекті ұйымдастыру салаларындағы соңғы ғылыми жетістіктермен танысуға бірегей мүмкіндік болды.
Конференцияның маңыздылығы — денсаулық сақтау саласындағы өзекті мәселелерді, соның ішінде жоғары экологиялық қауіп аймақтарында тұратын балалардың денсаулығына қатысты сұрақтарды талқылауда. Бұл тақырыптар біздің орталық қызметі үшін аса өзекті, өйткені біз күнделікті экологиялық және радиациялық факторлардың өсіп келе жатқан ұрпақ денсаулығына әсері сияқты мәселелерге тап боламыз.
Іс-шараны жоғары деңгейде ұйымдастырғандары және қатысуға мүмкіндік бергендері үшін ұйымдастырушыларға алғысымызды білдіреміз!
