Біздің Орталығымыз үшін жаңа жыл қызықты оқиғалардан басталды, жақында біздің бір топ психологтар мен пиар бөлімінің мамандары Қазақстанның ең үздік маркетологтарының бірі, белгілі продюсер және жалпы жарқын, креативті тұлға – Ақсұлтан Қалиевпен кездесу өткізді.
Оқыту семинарының тақырыбы маркетингтен бастап әлеуметтік желілерде жұмыс істеуге дейінгі бірқатар маңызды бағыттарды қамтыды. Ең бастысы, осы кездесудің арқасында ақпараттық алаңдарда пациенттермен қарым-қатынасымызды жақсартуға мүмкіндік алдық. Нәтижелер көп күттірмейтініне сенімдіміз, жақын арада біздің Орталығымыздың барлық мүмкіндіктері мен артықшылықтары туралы оқырмандарымызды жаңа деңгейде хабардар ететін боламыз.
Ал уақытын бөліп, қызықты әрі тиімді кездесуді өткізген Сұлтан Қалиевке алғысымызды білдіреміз. Болашақта мұндай кездесулерді өткізу біз үшін жақсы дәстүрге айналады деп сенеміз. Ақсұлтан Қалиевке шығармашылық табыс пен жаңа биіктерді бағындыруды тілейміз!
