25-27 қыркүйекте біздің орталықтың директоры, неонатолог, жоғары санатты педиатр, дәрігер-реабилитолог, балалар невропатологы Әлия Әлімбаева Астанада «Неврологиялық ауруларды диагностикалауда, емдеуде және оңалтуда көпсалалы тәсіл» атты халықаралық конференция жұмысына қатысты. Конференция жұмысына делегаттар қатарында тек Қазақстанның ғана емес, сонымен қатар жақын және алыс шет елдердің жетекші ғылыми орталықтарының, клиникаларының өкілдері де қатысты.
Халықаралық конференция барысында оңалту көмегінің дамудың өзекті мәселелері, заманауи тәсілдер, сондай-ақ мүмкіндіктері талқыланды. Әртүрлі неврологиялық ауруларды, соның ішінде эпилепсия мен пароксизмальды бұзылуларды, орфандық ауруларды, жүйке-бұлшықет, деминиелизация және аутоиммундық ауруларды диагностикалау, емдеу және оңалтуда әлемдік тәжірибе ұсынылды. Оңалтуда диетотерапияға ғылыми және практикалық тәсіл ұсынылды, даму кемістігі бар балаларды оңалту, әлеуметтік-педагогикалық түзету және оңалту бойынша баяндамалар айтылды. Сондай-ақ, конференция аясында пленарлық сессия мен пікірталастар, TEDx форматындағы сараптамалық баяндамалар өтті. Айта кету керек, бұл кездесу тәжірибе алмасу, сондай-ақ неврологиялық ауруларды диагностикалау, емдеу және оңалтуда мультидисциплинарлық тәсілді дамыту үшін маңызды диалог алаңына айналды.
