Бүгін біздің Орталығымызда Қазақстан Республикасының Конституциясы Күнін мерекелеуге арналған салтанатты іс-шара өтті. Естеріңізге сала кетейік, биыл қазақстандықтар еліміздің Негізгі Заңының 29 жылдығын атап өтуде.
Қазақстанның қолданыстағы Конституциясы 1995 жылы жалпыхалықтық дауыс беру арқылы қабылданды. Елдің Негізгі Заңы-Қазақстанның егемендігі мен тәуелсіздігінің символы ғана емес, сонымен қатар елдегі барлық ағымдағы және алдағы әлеуметтік-экономикалық және саяси жетістіктердің берік негізі. Салтанатты іс-шара барысында қатысушылар еліміздің Негізгі Заңының қалыптасу тарихына ерекше назар аударды, сондай-ақ Тәуелсіз Қазақстан Конституциясының маңызды қағидаттары мен негіздеріне арналған бірқатар конкурстар мен викториналар да өткізілді.
