Адам папиллома вирусы-шырышты қабаттар мен теріге әсер ететін вирустардың ең көп таралған топтарының бірі. Вирустың қауіптілігі – ол өз ДНҚ-сын адам хромосомаларына енгізіп, тез таралады, жасушалардың қатерлі деградациясының қоздырғышына айналады, нәтижесінде қатерлі ісік пайда болуына ықпал етеді. Көбінесе инфекция көрінетін белгілерсіз жүреді.
«Тоқтамыс» балаларды оңалту орталығында кезекті оқыту семинары өтті, оның барысында адам папиллома вирусының ерекшеліктері, елдегі және өңірдегі эпидемиологиялық жағдай, оның ішінде жатыр мойны обыры бойынша жағдай талқыланды, адам папилломавирусының алдын алу мүмкіндіктері қарастырылды, оның алдын алу тиімді әдістерінің бірі – вакцинация болып табылады. Семинарға қатысушылар қызығушылық танытқан сұрақтарын қойып, өз пікірлерімен бөлісуге мүмкіндік алды.
