Қарттар күні – бұл қарт адамдарға қамқорлық жасау әр адамның міндеті екенін бүкіл қоғамға еске салатын ерекше күн. Осы айтулы күні «Тоқтамыс» балаларды оңалту орталығының ұжымы лайықты демалыста жүрген әріптесінің қонағы болды.
Темірғалиев Рымғазы Газезұлы-біздің орталықта талай жылдар бойы аянбай еңбек еткен адам. Шаруашылық бөлімінің меңгерушісі лауазымында ол Орталықтың дамуына, қызметкерлер мен келушілерге қолайлы жағдай жасауға, Орталықтың және оған іргелес аумақтардың келбетін жақсартуға баға жетпес үлесін қосқан.
Әріптес ардагердің қонағы болған жас қызметкерлер Орталықтың жетістіктерімен бөлісті, Рымғазы Газезұлына жылы лебіздерін білдіріп, орталықтың барлық ұжымынан естелік сыйлықтар табыс етті.
