Қызылша-балалар мен ересектер үшін қауіпті вирустық инфекция, оны қоздырғышпен аз уақыт байланыста болғанда да жұқтыруға болады. Дерт жеңіл өтуі және одан кейін өмір бойғы иммунитет қалыптасуы мүмкін, алайда ауыр, кейде ұзақ мерзімде өтіп, денсаулыққа үлкен зиян тигізуі, тіпті өлімге әкелуі мүмкін. Қызылшаны емдеудің нақты әдісі жоқ, бірақ вакцинация аурудан қорғай алады.
Бүгін «Тоқтамыс» балаларды оңалту Орталығында қызылшаның алдын алу бойынша оқыту семинары өтті. Орталық қызметкерлері дерттің ерекшеліктерін, таралу себептері мен тәсілдерін, белгілерін, ең бастысы – алдын алу әдістерін талқылады.
