Осы күндері жұмыс сапарымен біздің балаларды оңалту орталығына ҚР ДСМ штаттан тыс бас оңалтушы, м.ғ. д. Шолпан Бөлекбаева келіп-қайтты. Кездесу барысында ол біздің орталықтың жұмысымен, материалдық-техникалық базасымен, сондай-ақ «Тоқтамыс» ЖШС жетістіктерімен танысты. Айта кету керек – орталықтың жетістіктері аз емес. Бүгінгі таңда оңалту орталығы сапалы медициналық қызметтердің кең тізімін көрсететін өңірдегі алдыңғы қатардағы орталықтардың бірі болып табылады. Сонымен қатар, жылдан жылға оңалту көмегін көрсету әдістері жетілдіріліп, озық технологиялар енгізіліп келеді.
«Көптеген жылдар бойы сіздердің орталықтарыңыздың медициналық қызметкерлері өз жұмысына үлкен жауапкершілікпен қарайтынын білемін. Кішкентай пациенттер үшін жасалатын жағдайды, заманауи кабинеттерді, жабдықтарды көру – өте қуантады! Осының арқасында сіздердің орталықтарыңыз әрқашан ата-аналардың оң пікірлеріне ие болып отыр. Болашақта да «Тоқтамыс» бүкіл елдегі әріптестеріміз үшін үлгі болатынына сенімдімін», – деп біздің орталыққа жұмыс сапарын қорытындылай келе, атап өтті штаттан тыс бас оңалтушы Шолпан Бөлекбаева.
