Бүгін «Тоқтамыс» балаларды оңалту орталығы үшін ерекше күн. Біз балаларды қорғау күнін жыл сайын асыға күтеміз және балаларды мүмкіндігінше қуантуға және оларға жағымды тосын-сыйлар жасауға тырысамыз. Өйткені, балалар – біздің өміріміздің гүлдері, біздің бүгініміз және ертеңіміз.
Әр жыл сайын біз орталықта оңалту емін алып жүрген балаларға мереке өткіземіз. Биыл біз оны ерекше түрде атап өтуді шештік… Бүгін ата-аналармен бірлесе отырып, алғаш рет, ұзақ уақыт оңалту емін алғаннан кейін бірінші қадамдарын басқан балалармен “тұсау кесер” рәсімін өткіздік.
Ақ жол тілейміз!
Біздің командаға сенім білдіргендеріңіз үшін, ата-аналар, сіздерге үлкен рахмет!
Әр баланың тұсауын, олардың оң нәтижеге жетуі үшін таңнан кешке дейін жұмыс жасаған, көздеген мақсатқа жету үшін барлық күш-жігерін аямаған жаттықтырушылары кесті.
Сондай-ақ балаларға арналған ойын-сауық шоу-бағдарламасы, біздің орталықтан естелік-сыйлықтар, құрамы – неонатолог, педиатр, реабилитолог, травматолог-ортопед, нутрициологтан тұратын көпсалалы топтың дәрігерлерімен тегін кешенді тексеру ұйымдастырылды.
Орталықтың атынан біз балаларына қамқорлық жасайтын аналарға, оларды қолдап-қорғайтын әкелерге, немерелерін ессіз жақсы көретін ата-әжелерге алғысымыз шексіз. Ерекше алғыс демеушілік көрсеткен “Activity Park” балалар ойын-сауық орталығы мен Высочкина Екатерина Вячеславноваға білдіреміз. Біздің іс-шараға қатысқандардың барлығына, кішкентай пациенттерімізге күлкі мен жағымды эмоциялар сыйлаған жандарға, кішкентай пациенттерімізге еңбегі мен табандылығы үшін шын жүректен алғыс айтамыз, барлығымыз бірге жоғары нәтижелерге қол жеткіземіз!
Жақсы нәтижеге қол жеткізетіндігіне деген нық сенім және ортақ күш-жігермен біздің балалар бұдан да үлкен биіктерге, жетістіктерге жетеді!
